Ut dook is gevalle

Het dook velt, nao bienao 57 joar, veur de Maondigaovend gymclub in Staeveswaert. Veule jaore samen, mit eine lach en soms ein traon. Sjoan herinneringen, biezunjer momenten en veural eine hechte band dae in al die jaore is ontstange.
Mit trots kieke we truk op bienao 57 jaor Maondigaovend gymclub. Mer boavenal euverheerst de dankbaarheid: dankbaar veur alle jaore, veur de gezelligheid, de vrundjsjappen en veur eederein dae deil haet oetgemaakt van dees bezunjer club.
Ein sjoan tiedperk weurd aafgeslaote mit ein heerlijk aetentje biej Chambor in Staeveswaert. Samen nog eine keer genieten, herinneringen ophaole en proosten op alles wat gewaes is.

Trots, maar veural dankbaar. ❤️